Սույն գաղտնիության քաղաքականությունը վերաբերում է բջջային հեռախոսների/շարժական սարքերի համար նախատեսված «Armenian Dram 3.1» հավելվածին (այսուհետ՝ Հավելված), որը Հայաստանի Հանրապետության կենտրոնական բանկը (այսուհետ՝ Ծառայություններ մատուցող) ստեղծել է որպես անվճար ծառայություն: Ծառայությունը նախատեսված է «Ինչպես որ կա» (“AS IS”) պայմանով օգտագործման համար:
Հավելվածը ներբեռնելիս և օգտագործելիս որևէ տեղեկություն չի հավաքագրվում: Հավելվածն օգտագործելու համար գրանցվելը պարտադիր չէ:
Հավելվածը Ձեր բջջային հեռախոսի/շարժական սարքի գտնվելու վայրի մասին ճշգրիտ տեղեկություն չի հավաքագրում:
Քանի որ Հավելվածը որևէ տեղեկություն չի հավաքագրում, ուստի երրորդ կողմին ոչ մի տվյալ/տեղեկություն չի կարող փոխանցվել:
Կարելի է հեշտորեն դադարեցնել Հավելվածի կողմից տեղեկության հավաքումը` ուղղակի հեռացնելով այն: Դուք կարող եք կիրառել հեռացման ստանդարտ գործողություններ, որոնք, հավանաբար, առկա են Ձեր բջջային հեռախոսում/շարժական սարքում, շարժական հավելվածների տեղակայման հարթակում կամ ցանցում:
Հավելվածը չի օգտագործվում 13 տարեկանից ցածր տարիքի երեխաներից տվյալներ հավաքագրելու կամ դրանք նրանց առաջարկելու համար։
Ծառայություններ մատուցողը չի հավաքում երեխաների անձը հաստատող տեղեկություններ: Ծառայություններ մատուցողը երեխաներին կոչ է անում երբեք չներկայացնել անձը հաստատող տեղեկություններ՝ Հավելվածի և/կամ Ծառայությունների միջոցով: Ծառայություններ մատուցողը ծնողներին և օրինական խնամակալներին ևս կոչ է անում վերահսկելու իրենց երեխաների կողմից համացանցի օգտագործումը և նպաստելու սույն քաղաքականության դրույթների պահպանմանը՝ հորդորելով երեխաներին առանց իրենց թույլտվության չտրամադրել անձը հաստատող տեղեկություններ Հավելվածի և/կամ Ծառայությունների միջոցով: Եթե հիմքեր ունեք ենթադրելու, որ երեխան Ծառայություններ մատուցողին անձը հաստատող տեղեկություններ է տրամադրել Հավելվածի և/կամ Ծառայությունների միջոցով, խնդրում ենք կապ հաստատել Ծառայություններ մատուցողի հետ (էլ-փոստի հասցե՝ currencycenter@cba.am), որպեսզի վերջինս կարողանա ձեռնարկել անհրաժեշտ գործողություններ: Դուք պետք է լինեք առնվազն 16 տարեկան՝ Ձեր երկրում Ձեր անձը հաստատող տեղեկությունների մշակմանը համաձայնություն տալու համար (որոշ երկրներում մենք կարող ենք թույլ տալ, որ Ձեր ծնողը կամ խնամակալը դա անեն Ձեր անունից):
Ծառայություններ մատուցողը երաշխավորում է Ձեր տվյալների գաղտնիության ապահովումը: Այնուամենայնիվ հիշեցնենք նաև, որ Հավելվածը որևէ տեղեկություն չի հավաքագրում, ուստի չարտոնված անձանց կողմից Հավելվածի միջոցով Ձեր տվյալներին հասանելիության վտանգը բացառվում է։
Սույն գաղտնիության քաղաքականությունը կարող է ժամանակ առ ժամանակ թարմացվել տարբեր պատճառներով: Ծառայություններ մատուցողն իր գաղտնիության քաղաքականության ցանկացած փոփոխության մասին պարտավոր է Ձեզ իրազեկել և տեղադրել թարմացված տարբերակը: Խորհուրդ է տրվում պարբերաբար ստուգել սույն գաղտնիության քաղաքականության էջը՝ որևէ փոփոխություն բաց չթողնելու համար, քանի որ հետագա օգտագործման դեպքում բոլոր փոփոխությունները կհամարվեն Ձեր կողմից ընդունված:
Հավելվածի օգտագործմամբ Դուք, փաստորեն, համաձայնություն եք տալիս Ձեր տեղեկությունների մշակմանը՝ համաձայն սույն գաղտնիության քաղաքականության դրույթների և Ծառայություն մատուցողի կողմից դրանց հնարավոր հետագա փոփոխությունների։
Հավելվածն օգտագործելիս գաղտնիության կամ կիրառության հետ կապված հարցեր ծագելու դեպքում խնդրում ենք կապ հաստատել Ծառայություններ մատուցողի հետ հետևյալ էլեկտրոնային փոստի միջոցով՝ currencycenter@cba.am.
Սույն գաղտնիության քաղաքականությունն իրավական ուժի մեջ է 01․10․2024 թ-ից։