ՄԱՄՈւԼԻ ՀԱՂՈՐԴԱԳՐՈւԹՅՈւՆ18.03.2026
ՏՀԶԿ պատվիրակությունը հանդիպել է Կենտրոնական բանկի ներկայացուցիչների հետ
Մարտի 18-ին ՀՀ կենտրոնական բանկի ներկայացուցիչները հյուրընկալել են Տնտեսական համագործակցության և զարգացման կազմակերպության (ՏՀԶԿ) պատվիրակությանը, որը նպատակ ունի գնահատել տնտեսական և ֆինանսական ոլորտներում հիմնական զարգացումները։
Այս գնահատման կարևոր բաղադրիչներից է ֆինանսական շուկաների ուղղությունը, որը ներառում է բանկային համակարգի, ոչ բանկային ֆինանսական կազմակերպությունների, կապիտալի շուկաների, կորպորատիվ կառավարման, ինչպես նաև ֆինանսական գրագիտության, ներառականության և սպառողների պաշտպանության համապարփակ գնահատումը։
Հանդիպման ընթացքում ՏՀԶԿ փորձագետները ներկայացրել են գնահատման նախնական արդյունքները և ունեցել մանրամասն քննարկումներ ԿԲ ներկայացուցիչների հետ, ինչը հնարավորություն է տվել հստակեցնել առկա խնդիրները, ապահովել, որ վերլուծությունը ճշգրիտ արտացոլի զարգացումները և առաջնահերթությունները, ինչպես նաև աջակցել նպատակային և հիմնավորված քաղաքականության առաջարկությունների մշակմանը։
_____________________________________________________________________
Հաղորդագրությունից օգտվելու դեպքում հղումը սկզբնաղբյուրին պարտադիր է:
ԿԲ հասարակայնության հետ կապերի ծառայություն
հեռախոս. (374-10) 592592-0702
էլ-փոստ.
mcba@cba.am
www.cba.am