Skip Ribbon Commands
Skip to main content

Գլխավոր էջ

Ինչպես SOAP-ի միջոցով ստանալ փոխարժեքները Փոխարժեքի ստացում

Ճիշտ տառատեսակի պատկերման համար բեռնավորեք Arian AMU.ttf

Նորություններ


Հայաստանի ներկայացուցիչները կմասնակցեն «Տնտեսագիտական միջազգային օլիմպիադա 2026»-ին Վերադարձ



​ՄԱՄՈւԼԻ ՀԱՂՈՐԴԱԳՐՈւԹՅՈւՆ
19.05.2026
Հայաստանի ներկայացուցիչները կմասնակցեն «Տնտեսագիտական միջազգային օլիմպիադա 2026»-ին


Մայիսի 14-ին Կենտրոնական բանկը հյուրընկալել էր ««Տաթևացի» տնտեսագիտական օլիմպիադա 2026»-ի հաղթողներին: Պարգևատրման հանդիսավոր արարողությանը պարգևատրվեցին օլիմպիադայի հանրապետական փուլի հաղթող մասնակիցները։

Կենտրոնական բանկի նախագահ Մարտին Գալստյանը ողջույնի խոսքում շնորհավորեց երիտասարդներին՝ ընդգծելով, որ այս նվաճումը գիտելիքների, վերլուծական մտածողության և մեծ աշխատասիրության արդյունք է:

2026 թվականին «Տաթևացի» տնտեսագիտական օլիմպիադային մասնակցել է Հայաստանի շուրջ 100 դպրոցի ավելի քան 2000 աշակերտ՝ գրեթե կրկնակի ավելի, քան նախորդ տարի։ Օլիմպիադայի հանրապետական փուլը տեղի է ունեցել ապրիլին: 116 մասնակիցներից 14-ը հաղթահարել են գրավոր և բանավոր փուլերը և դարձել հաղթողներ։

Մարտին Գալստյանը վստահեցրեց, որ մրցույթի շրջանակում ձեռք բերած հմտությունները կդառնան այսօրվա դինամիկ և արագ փոփոխվող աշխարհում հաջողության հասնելու որոշիչ հատկանիշներ։ Իսկ գիտելիքներն ու կարողությունները կարևոր դեր կունենան երիտասարդների՝ որպես ապագա մասնագետների, պատասխանատու քաղաքացիների և Հայաստանի ապագան կերտող առաջնորդների ձևավորման գործընթացում։

Մասնակիցների հաղթանակը ողջունեցին Հայաստանի Հանրապետությունում Չեխիայի դեսպան Պետր Պիրունչիկը, Օլիմպիադայի կազմակերպիչ, Վարքագծային որոշումների կենտրոնի հիմնադիր և գործադիր տնօրեն Արամ Ղազարյանը, ինչպես նաև հաղթած աշակերտների ուսուցիչները։

Միջոցառմանը հայտնի դարձան նաև 3 աշակերտների անունները, որոնք հնարավորություն կունենան օգոստոսին ներկայացնելու Հայաստանը Հունաստանի Օլիմպիա բնակավայրում կայանալիք միջազգային տնտեսագիտական օլիմպիադայում:

Օլիմպիադան կազմակերպվել էր Վարքագծային որոշումների կենտրոնի, Տնտեսական որոշումների դպրոցի, Հայաստանի ամերիկյան համալսարանի, Տնտեսական հիմնարարների նախաձեռնության, ինչպես նաև Կրթության, գիտության, մշակույթի և սպորտի նախարարության աջակցությամբ:


_____________________________________________________________________
Հաղորդագրությունից օգտվելու դեպքում հղումը սկզբնաղբյուրին պարտադիր է:
ԿԲ հասարակայնության հետ կապերի ծառայություն
հեռախոս. (374-10) 592592-0702
էլ-փոստ. mcba@cba.am
www.cba.am
​

Previous

Հայաստանի Հանրապե- տության էլ. Կառավարում

Ֆինանսական Համակարգի Հաշտարարի Կայք

Ավանդների Հատուցումը Երաշխավորող Հիմնադրամ

Արմենիան Քարդ

Հայաստանի Ավտոապահո- վագրողների Բյուրո

ACRA Վարկային Բյուրո

Ազգային Հիփոթեքային Ընկերություն

Գերմանա Հայկական Հիմնադրամ

Բնակարան երիտա- սարդներին

Իրավաբանական ակտերի նախագծերի հրապարակման միասնական կայք

Next