ՄԱՄՈւԼԻ ՀԱՂՈՐԴԱԳՐՈւԹՅՈւՆ28.10.2024
Ներքին աուդիտի միջազգային սեմինար ԴՈւԿ-ում
Հոկտեմբերի 21-25-ը Կենտրոնական բանկի Դիլիջանի ուսումնահետազոտական կենտրոնում տեղի է ունեցել Հայաստանի և Նիդերլանդների կենտրոնական բանկերի համատեղ կազմակերպած «Next-Gen Audit in Central Bank: 3-Line Model Dynamics» միջազգային սեմինարը:
Սեմինարին մասնակցել են 19 երկրների կենտրոնական/ազգային բանկերի ներքին աուդիտի ղեկավարներ և ռիսկերի կառավարման պատասխանատուներ։
Սեմինարի ընթացքում քննարկվել են ներքին աուդիտի և ռիսկերի կառավարման նորագույն մոտեցումներն ու մարտահրավերները։
Սեմինարին հատուկ հյուրի կարգավիճակով մասնակցել և զեկույցներով հանդես են եկել Նիդերլանդների կենտրոնական բանկի ավագ աուդիտորներ Ռոբերտ Կորնելիսը, Լիզեթ Մուլդերը և Արժույթի միջազգային հիմնադրամի ներկայացուցիչ Էլլի Շամունը:
Սեմինարին Հայաստանի կենտրոնական բանկի կողմից զեկույցներով հանդես են եկել Խորհրդի անդամ/Աուդիտ կոմիտեի նախագահ Արտակ Մանուկյանը և Ներքին աուդիտի թիմի ներկայացուցիչները։ Քննարկված հարցերի շուրջ ՀՀ ԿԲ տեսակետներն են ներկայացրել ԿԲ Խորհրդի անդամներ ու ստորաբաժանումների ղեկավարներ:
_____________________________________________________________________
Հաղորդագրությունից օգտվելու դեպքում հղումը սկզբնաղբյուրին պարտադիր է:
ԿԲ հասարակայնության հետ կապերի ծառայություն
հեռախոս. (374-10) 592592-0702
էլ-փոստ.
mcba@cba.am
www.cba.am