Skip Ribbon Commands
Skip to main content

Գլխավոր էջ

Ինչպես SOAP-ի միջոցով ստանալ փոխարժեքները Փոխարժեքի ստացում

Ճիշտ տառատեսակի պատկերման համար բեռնավորեք Arian AMU.ttf

Նորություններ


Կենտրոնական բանկի ներկայացուցիչները մասնակցել են միջազգային ՊԼԱՍ-Ֆորումին Վերադարձ



​ՄԱՄՈւԼԻ ՀԱՂՈՐԴԱԳՐՈւԹՅՈւՆ
29.05.2025
Կենտրոնական բանկի ներկայացուցիչները մասնակցել են միջազգային ՊԼԱՍ-Ֆորումին 


Կենտրոնական բանկի նախագահի տեղակալ Հովհաննես Խաչատրյանը և խորհրդի անդամ Դավիթ Նահապետյանը մայիսի 28-29-ը մասնակցել են Տաշքենդում անցկացվող միջազգային ՊԼԱՍ-Ֆորումին: 

Ֆորումը միավորել է աշխարհի տարբեր երկրներից ֆինանսական համակարգի բազմաթիվ ոլորտների ներկայացուցիչների՝ քննարկելու ֆինանսաբանկային համակարգի և տեղեկատվական տեխնոլոգիաների արդի խնդիրները: 

Հովհաննես Խաչատրյանը, հանդես գալով կրիպտոինդուստրիային նվիրված քննարկմանը, խոսել է աշխարհում կրիպտոակտիկվների տեսակների, դրանց կարգավորման, ինչպես նաև ապակենտրոնացված հարթակների կարգավորման մասին։ ԿԲ նախագահի տեղակալն անդրադարձել է նաև ՀՀ-ում կրիպտոակտիվներով մատուցվող ծառայությունների տեսակներին և փողերի լվացման / ահաբեկչության ֆինանսավորման ռիսկերի զսպմանը, ինչպես նաև ոլորտի պրուդենցիալ կարգավորմանը։ 

Դավիթ Նահապետյանը թվայնացմանը նվիրված քննարկման ընթացքում անդրադարձել է Հայաստանի և, մասնավորապես, ֆինանսական համակարգի թվային վերափոխման ընթացիկ իրավիճակին՝ ներկայացնելով ՀՀ փորձը և ապագայի ծրագրերը:

Այցի շրջանակում հայկական պատվիրակությունը հյուրընկալվել է Ուզբեկստանի կենտրոնական բանկում և հանդիպել բանկի նախագահի տեղակալ Նոդիրբեկ Սայդուլաեվի հետ:

Հանդիպման ընթացքում քննարկվել են երկու երկրների կենտրոնական բանկերի միջև համագործակցության հեռանկարները: Պայմանավորվածություններ են ձեռք բերվել փոխադարձ այցելությունների և փորձի փոխանակման, ինչպես նաև վճարահաշվարկային համակարգերի և ֆինանսական համակարգի կարգավորման ոլորտներում համագործակցության խորացման վերաբերյալ:

Նոդիրբեկ Սայդուլաեվը բարձր գոհունակություն է հայտնել դրամավարկային քաղաքականության և սպառողների շահերի պաշտպանության հարցերով Հայաստանի կենտրոնական բանկի գործուն աջակցության համար: Հայաստանի կենտրոնական բանկի նախագահի տեղակալ Հովհաննես Խաչատրյանն իր հերթին պարոն Սայդուլաեվին և Ուզբեկստանի կենտրոնական բանկի ներկայացուցիչներին հրավիրել է այցելելու՝ աշնանը Հայաստանում անցկացվող, հերթական միջազգային «ՊԼԱՍ-Ֆորումին»:  
​

 
 
 
 
 
 
 





























_____________________________________________________________________
Հաղորդագրությունից օգտվելու դեպքում հղումը սկզբնաղբյուրին պարտադիր է:
ԿԲ հասարակայնության հետ կապերի ծառայություն
հեռախոս. (374-10) 592592-0702
էլ-փոստ. mcba@cba.am
www.cba.am
​​

Previous

Հայաստանի Հանրապե- տության էլ. Կառավարում

Ֆինանսական Համակարգի Հաշտարարի Կայք

Ավանդների Հատուցումը Երաշխավորող Հիմնադրամ

Արմենիան Քարդ

Հայաստանի Ավտոապահո- վագրողների Բյուրո

ACRA Վարկային Բյուրո

Ազգային Հիփոթեքային Ընկերություն

Գերմանա Հայկական Հիմնադրամ

Բնակարան երիտա- սարդներին

Իրավաբանական ակտերի նախագծերի հրապարակման միասնական կայք

Next